مش قادرة أفضل معايا
2019
نوم طول الوقت، أو مفيش نوم لأيام
عياط وماليش نفس لحاجة، لأي حاجة، حتى النَفَس نفسه مش طايقاه
مش عارفة أشوف شغلي
مش طايقة أي حد
بـ اسقط في دراستي كتير، بـ اخسر صحابي
مش لاقية حد يفضل، وعندهم حق
أنا مش قادرة أفضل معايا.
باهتة
2018في حاجة بـ توجع
حاجة ضيَّعت إحساسي بكل حاجة
حتى أقرب الحاجات لقلبي بطَّلت أعملها
بقيت بـ عمل كل حاجة لأنها مفروضة عليا
قلبي اتكسر
2013رحت للدكتورة وقلت لها إني حاسة إن في خرم جوايا
اديني أي حاجة... أنا مش مبسوطة كده.
حاسة كأن حد دخل إيده جوايا وأخد حاجة ومشي
فيه فراغ جوا بيوجع... بحس بيه كل مرة بحاول أبلع أي حاجة
فيبروميالجيا
2018الموضوع بدأ من ست سنين، ست سنين بحالهم
كنت بحس إني تعبانة جدًا وماعنديش أي طاقة
وبعدين بدأت في 2012 أحس بوجع في ضهري ورجلي، وبدأت جلسات علاج طبيعي
في الجلسات دي، اكتشفت مع الدكتورة بتاعتي إن في مناطق كتير تانية في جسمي مشدودة جدًا ومتوترة
عملت شوية فحوصات وأشعة، واللي فاجئني إن تقنيًا يعني، ماكانش فيا أي حاجة
الـلـي عندي اسمه "اضطراب ثنائي القطبية"
2018
انا بـ يفوت عليا أيام بـ نام فيها ساعات طويلة جدا
وبـ تحرك بتقل وصعوبة شديدة
وبـ آكل كل الوقت
وفجأة، تفوت أيام بـ نام قليل جدا
وآكل قليل جدا
واخلص كميات شغل رهيبة في وقت قصير جدا
وبـ تحرك بين الأماكن بسلاسة وطاقة.
اكتئاب من الطفولة
2018
حتى إنها كانت بـ تنام في حضني وانا عندي مدرسة تاني يوم الصبح بدري،
وكل شوية كنت أصحى على عياطها أحاول أسكتها
أو أدخلها غرفة أمي اللي كان ممنوع ينام فيها أطفال علشان بابا بـ يزهق من زنهم
وكنت أفضل مستنية لحد ما ماما ترضعها علشان تكمل نوم جنبي
نفسي أكون أنا
2018
أنا مخنوقة جدا ونفسي أتكلم مع حد بالرغم من إن عندى صحاب كتير جدا،
ولكن بشعر دايما بالوحدة وإن محدش هـ يفهمني،
فكرت كتير أروح لدكتور نفساني بس بكون خايفة،
فبدأت أتكلم مع نفسى وأرد عليها، وكأنى شخص تانى لحد ما اتخنقت.
الأمومة مش غريزة
2018
خـلِّـفـت أول طفل ليا
كنت بـ سمع عن اكتئاب بعد الولادة
بس كنت بـ فتكره بـ يـيـجي عشان شكل الجسم بـ يـتـغـيـر
بس لما عشت التجربة، عرفت إنه أسبابه أكبر من كده بكتير
حسيت إني في مرحلة مقابلة الوحش المستوى الأخير يعني.
الصحة النفسية، الأمومة، الاكتئاب، الوصمة
غصب عنك مش كويس
2018النوم صعب، الصحيان تاني يوم أصعب
"ليه؟ هو في إيه عشان كل ده؟"
"إيه الضغوط الـلـي عليكِ يعني؟"
"ماعرفش!"، دايما ده ردي.
رسم على وشي تجعيدات وحزن
2018
من تلت سنين فاتوا في نفس يوم موت صديقتى المفضلة والأقرب لقلبى،
خرج خطيبى وحبى الأول من حياتى برسالة بعتهالى على واتساب بدون مقدمات:
"أنتِ جميلة وتستاهلى حد أحسن منى، خلى بالك على نفسك علشان خاطرى"
بكل بجاحة حلفنى بخاطره علشان أحافظ على نفسى فى أكتر وقت كان ممكن أكون محتاجاله فيه.
حاولت أتواصل معاه ورفض ومن يومها ما أعرفش عنه حاجة